بغداد اذكر لياليچ و احلا ايام العمر عشتها بيچ
اذكر ايام الصبا و احلى السهرات من نجتمع الخميس العصر بعد الدراسات
و من نمشي متونسين بأبو نؤاس و دجله بالجانب يرسم بالحواس
ويمي احلى البنات البغداديات وحده احلى من اللخ وماكو مثلهم بالدنيات
جمال و ثقه و ذكاء و كبرياء بيا دوله بالعالم اكو بنات هيچي اثرياء
قابلت بنات من كل مكان و دين ماكو مثل العراقيات بهاي العين
حلاوه طبع و جمال الاخلاق و ماكو عندهم طبيعه الانغلاق
كلما اذكر بغداد ويه الاصحاب اذكر وياهه سفرات المدينه و ايام الشباب
اذكر التنسيق ما بين الحبايب وشلون التلفون برنته يذوب إلي مو ذايب
و شلون اكضي الليل ويه المحبوب بحجه عندي درس و لازم اقرء يا ملعوب
و ذكريات احلى ايام الدراسه و سامر و سرمد و احمد و ابو فراسه.
و ايام جامعه بغداد بين الاقسام نشوف ياقسم احلى و اعلى مقام
و ايام التخرج ويه الاصحاب و أنتظار العسكريه والتفكير بالغياب
وطلعات للإداره والاقتصاد و نشوف الحلوات و نتحسر على الدرجات العاليه بالبكلوريات
بله لو چنه بالإداره مو بالهندسات چان كضينه اكثر وقت ويه الحلوات
بس حضي معدل عالي وداني هندسات و خلاني ليل نهار ادرس قياسات
و الحلوه ساكنه بنادي العلويات و اني الوكت كله كاضي بالرياضيات
تخابري هيه و تگلي البارحه چنا بإحدى الحفلات والركص للصبح و جايين فنانات
واني گاعد اقرأ كهربائيات (و ين نتل) ابو ابويه من اسمع هالتصريحات
كل هاذا و تسألني ليش بغداديات بابه بكل الدنيا ماكو مثل العراقيات
موضوع: بغداد اذكر لياليچ 
26/3/2008, 03:20
