قالوا لي(باللهجة اللبنانية)

زائر

قالوا لي شوبيك متالم حزين
وكاسر جانحك متل شي باشق سجين

وعجبهتك صورة كئيب وحزين
ودمعتك جمرة وعيونك شايحيين

ولونك متل شي حبقة عجوز بتشرين
بصحرة بعيدي والحرارة أربعين

يصعب علينا نشوف راسك منحني
ومش عارفين نحنا عايشين كرمال مين

كرمال مين؟ شو هالسؤال الولدني؟
كرمال حبي الخالد وحلمي الدفين

يا ناس عرفتوني بآلامي غني
ولا تسألوني عرفتكن مش عاشقين

وبعدكن عم تسألو شوبيك؟
الله يسامحكن إذا مش عارفين

ضحكو متل ضحك الذكايا عالغشمني
وقالو انت شاعر بمرج ياسمين

بشم الزهور وبهنا العمر إعتني
مشوار جينا عالدني ورايحين

ليش البكي وتقول حبيبك فني
وشو بيجبرك تبقى على عهد ويمين

ما لزوم تحزن أكتر من سني
مهما الفقيد كان على قلبك تمين

لحد هون ضحكت لأمني
في تحت التراب قلب كان يحبني

من اليوم حتى أنتقل عمدفني
برحمة يلي حبيتها بحلف يمين

يحرم علي لبس بدلة ملونة
ويحرم علي غير دين الحب دين.

زائر

بشكرك كثير على هذه الكلمات الرائعة وانتي دلوعة فلسطين من الاعضاء المميزين في ممتدى زوووم والى الامام وانا وكل الاعضاء بانتظار موضيعك الشيقة

تقبلي مروري

تحياتي لك
احمد مصاروه

» ماذا قالوا عن الابتسامه